Letters sykje iepen eagen,
sûnder krije se gjin gesicht
om sinnen te ferwurdzjen
dêr’t de ferbylding yn sit.
Letterrigels jouwe de mûle
en de holle doel mei taal
dy’t foar himsels sprekt
en ferheljend lûd hearre lit.
Letters wolle boeken wurde
fol leven en yn it libben stjoer
jaan oan it dreamend tinken.
Boeken lettere troch ynhâld
ha in eigen miening, fan lege
siden kin de lêzer net bestean.
