Ik sjoch graach
wat om my hinne
mei in iepen each
nei nijsgjirrige dingen
dy’t my ûnderweis
tsjinkomme sille.
De wrâld is in reis
dyt’st oeral makkest,
net oars as in flecht
oer in see fan bylden
mei it perspektyf
dat in frije fûgel hat.
Wêrhinne is al hast
in bestimming en dêrhinne
is krekt in hûs as thús,
dêrom is it eins spitich
datst altiten op dyn paad
weromkomme moatst.
