Eachlik
It each leit alles iepen,
makket los wat ús beweegt
en siket tagelyk nei hâldfêst
oer ûnbestimde wegen.
Oer in dwylpaad bygelyks,
dat ferrifelet en behaagt
ûnder oansprekkend ljocht
yn in bosk fol ferhalen.
It is in eachlik paad
mei it perspektyf fan goud,
dat as keunststof fan yllúzje
it spoar wiist nei ferbazing.
En as mystearje in allúzje is
nei de kosmos fan ferbylding.
 |
| Vanitas Anselm Kiefer |
