GRUTTE JONGES
Sjoch, dêr hast se wer!
Mêst nei mêst nei mêst,
yn in rizige wetterpolonêze.
Swierige monuminten
mei de stjerallures
fan in seeweardich flottielje.
It binne wetterbazen,
wetterjagers en bytiden
opjage wetterhazzen.
Spegele yn de diminsjes
fan de tiid drage se grutsk
de ferbylding op de wyn.
En by't simmer jeie se
mei fûle faasje op in proai
fan ivichheidswearde.
