DE FERWIKSELING
Ast ien stien op dyn paad
ferleist,
dan witst amper wêrst oan
begjinst,
omdat it in beweging op
gong bringt
dy’t dyn lamme lea it leksum
opseit.
Tagelyk wurdt it fersetten
fan in stien
somtiden ek it
ûnomkearbere begjin
fan in ynkringend mentaal
proses,
dat dy bot yn de besnijing
krije kin.
It docht my dêrom wakker tinken oan
de ferwikseling fan in wurd yn in sin
dêr’t de rin mei út ’e tekst helle
wurdt.
Dan is it ek stinne, switte en wrotte
as in strjitmakker yn waar en wyn,
om de brike rigel wer te sljochtsjen.
