Wintertiid
It deiljocht hie it swier,
de skiere loft siet stiifticht,
inkeld de reidkragen kearden
de waan fan in tiidleaze stilte.
Oer it lân tûkele in bewyske
fan guozzegeroft, fierderop
smoarde it obligate kloklieden
foar in mearke yn de dize.
En oer it wetter flústere sacht
in klaachliet, as in ouverture
foar de grutte desimberfinale
yn de skelste nacht fan it jier,
mei in bacchanaal fan hellefjoer
op slach nei de alderlêste oere.
