Ik soe ...
Datst dan ergens komst
en dat der dan ien
seit:
skriuwst ek noch
altiten
yn de Fryske taal en ...
hoe giet it dêr eins
mei,
lêst men dat noch wol?
Datst dan eins net goed
wist watst sizze silst,
omdat it dy oerfalt en ...
rekket yn it hert, mar
datst it skouderlûkend
der fierder mar by
litst.
En datst dan letter
tinkst,
hie ik mar wol wat sein,
want fan minsken dy't
har opponearje is altyd
te min ferlet, mar slûge
soe ek en stoar earder.
