De Sinflechter
Ik skriuw mar wat:
it binne wurden,
safolle seit it my wol,
mar is it ek de taal
dy’t my ynkringend
wat te sizzen hat?
It proses as ridskip
foar it letterpalet
is net oars as graffity
dat myn byldfoarming
algeduerrich foar
grutte riedsels set.
Want ik kin mysels net
fertelle wa’t it docht en
hoe't de tekst lêsber wurdt,
al liket it somtiden
krekt as staverje ik
in selsportret.
